Ashtu siç edhe është lajmëruar ditën e hënë nga Komisioni Qendror i Zgjedhjeve, tre deputet të rinj të Partisë Demokratike do të hyjnë në Parlament. Betimi i tyre në Parlament është bërë në nisje të seancës së sotme plenare ku Korab Lita nga lista e PD-së në Tiranë, Arlind Çaçani nga lista e Korçës dhe Halil Jakimi nga lista e Dibrës kanë pranuar vendin e deputetit të pranuar prej tyre më herë.
Mirëpo edhe seanca e sotme nuk do të kalonte pa protestën e opozitës, e cila ditën e sotme ka sjellë një mënyrë të re, simbolike, ku në protestë kanë dalë të rinjtë e FRPD-së.
Ditën e sotme nuk ka pasur brohoritje në turmë, por kanë zgjedhur një mënyrë të veçantë ku kanë realizuar një stendë me mbishkrimin ‘parlamenti i krimit’, ku të rinjtë ‘shisnin’ mandate.
“Një mandat 300 mijë euro, hajde mandate. Tre mandate 1 mln euro! Hajde mandate se u mbush, hajde mandate se u mbush parlamenti”, thërrisnin të rinjtë e FRPD.
