Ditën e djeshme, Kolegji i Posaçëm i Apelimit, shkarkoi nga detyra ish-prokurorin e Krimeve të Rënda, Besnik Muçin.
Ky i fundit u shpreh se nuk e njihte vendimin e KPA dhe do të vazhdonte punën në Gjykatën Kushtetuese.
Më tej ai shtoi, se shkarkimin e tij mund ta vendosë vetëm Gjykata Kushtetuese.
Ndër të tjera Muçi tha se pas dekretimit, Kolegji nuk kishte më kompetencë që ta hetonte.
Ashtu siç deklaroi një ditë më parë, ish-prokurori nuk ka ndërmend të pajtohet me vendimin e KPA.
Ditën e sotme ai ka shkuar në zyrën e tij në Gjykatën Kushtetuese.
Besnik Muçi kaloi me sukses në shkallën e parë të Vettingut.
Mirëpo Komisionieri Publik vërejti parregullsi dhe vendosi ta apelojë vendimin.
Në shkallën e dytë, KPA, gjeti probleme me pastërtinë e figurës dhe me pasurinë e ish-prokurorit.
Me shkarkimin e Muçit, Gjykata Kushtetuese ka mbetur me 4 anëtarë, ndërsa duhen të paktën 6 në mënyrë që të jetë funksionale.
