Sot mbarë besimtarët e krishterë në të gjithë botën kremtojnë lindjen e Jezu Krishtit.
Edhe në vendin tonë ashtu sikurse prej shumë vitesh tashmë, është mbajtur në Katedralen e Shën Palit mesha e “Vigjiljes së Krishtit’. Ajo nisi në orën 23:00 dhe vijoi deri në mesnatë, ndërsa besimtarët dëgjuan dhe shprehën lutjet e tyre.
Ishte kreu i kryedioqezës Mitropolitane Tiranë-Durrës Arjan Dodaj ai që drejtoi meshën për besimtarët katolikë.
Ndërkohë, në Shkodër, mesha e shenjtë u mbaj nga Arqipeshkvi i dioqezës Shkodër-Pult, Monsinjor Angelo Massafra.
Po ashtu mësohet se në Durrës mesha në vigjilje të Krishtlindjes u mbajt në Kishën Katolike Shën Dominiku në zonën e ish-Kënetës, ndërsa u zhvillua edhe në qytetet e tjera.
Për të gjithë besimtarët, sot është me rëndësi dreka e Krishtlindjeve, ku nuk mungojnë urimet, lutjet dhe ushqimet e shumëllojshme.
