“2 vite më parë u vra Klodian Rasha nga banditi i policisë”, Këlliçi në Ditën e Rinisë kujton Hajdarin, Nishanin dhe Olldashin: Rockstari i vërtetë sot, Berisha
Me rastin e Ditës së Rinisë (8 dhjetor) sot u mblodh Kuvendi Kombëtar i Forumit Rinor të Partisë Demokratike. Kandidati i PD për Bshkinë e Tiranës Belind Këlliçi gjatë fjalës së tij në Kuvend sollli në vëmendje vrasjen e Klodian Rashës nga një punonjës policie dy vite më parë, ndërsa nuk harroi pa përmendur dhe figura emblematike të PD-së, Azem Hajdari, Bujar Nishanin dhe Sokol Olldashin.
Këlliçi nuk la pa komentuar edhe detajin që iu bëri përshtypje të gjithëve , syzet e diellit që kishte vënë lideri i opozitës Sali berisha për të mbuluar plagën nga grushti që mori gjatë protestës së 2 ditëve më parë. Këlliç duke e lidhur edhe me 8 dhjetorin e 1990 theksoi se rockstari i vërtetë i kësaj dite padyshim ishte Berisha.
“Ditë shumë emocionuese, me fjalë të ndjera. Sot është ditë e veçantë, gëzuar Ditën e rinisë. Si kjo ditë një i ri dy vite më parë humbi jetën Klodian Rasha, për shkak të dhunës policore, për shkak të atyre banditëve që kanë penetruar në policinë e Shtetit, që ngritën pardje dorë jo vetëm mbi Berishën por dhe mbi ne demokratët. Këtu në skenë këndoi këngëtari i rrokut, Renis Gjoka, por rockstari i vërtetë ishte Sali Berisha, që në 2022-in është model frymëzimi për të rinjtë e vendit. Falënderim shkon për Rudina Hajdarin, vajzn e Azem Hajdarit, Fiona Nishani, vajzën e ish-presidentit Bujar Nishani dhe Klauk Olldashi, djalin e Sokol Olldashi.”, tha Këlliçi.
