Mbrëmjen e sotme ish- kryeministri Sali Berisha ka treguar bisedën që ka zhvilluar me Lulzim Bashën pasi PD humbi zgjedhjet e vitit 2017.
Berisha tregoi në MCN se i tha liderit demokrat që të jepte dorëheqjen. Kjo pasi sipas tij në të gjitha sondazhet dilte që Ilir Meta ishte opozitari më i fortë.
“Në poll-et që bëheshin dilte Meta gjithmonë opozitari më i fortë. I thashë Bashës me këtë që po bën i ke futur thikë pas shpine trungut tonë elektoral dhe e ke larguar nga votimet.
Jo po kështu, jo ashtu, morëm një rezultat mizerabël. I them zotëri duhet të japësh dorëheqjen, në 2017, më tha jo nuk e jap.
Morëm rezultatin më turpërues. Pasi konstatova që ky nuk lëshonte pe. I thashë ky është një lider i thyer,” tha Berisha.
Gjithashtu ish-kryeministri Sali Berisha thotë se në skandalin me publikimin databazës me të dhënat dhe punët e pagat të mbi 600 mijë qytetarëve, është i përfshirë Edi Rama si dhe ish-Ministrit të Shëndetësisë Ilir Beqajt.
“Këtij i kanë thënë ti nxjerrim se dhe kjo kriza e PD-së zvogëlohet. Kanë pasur interes këto gjëra, ta heqin aktakuzat nga Rama dhe Drejtoreshës së AKSHI-t. Ajo ka rritur me 15 herë prokurimet secrete. Rama doli me atë në krah. Rama kërkon të shpëtojë kokën e vetë nga inceneratorët dhe mundet të sakrifikojë Beqajn. Më duket se kompania e tij siguron nga ana teknike, paprekshmërinë e të dhënave të AKSH-it. Ose Beqja ose baxhanaku i dashur i Edi Ramës. Baxhanaku i Ramës është famoz. Të paktën nja 50 tendera i ka të fituara. E kam denoncuar me dhjetra herë. Padiskutim dhe në parlament” – tha Berisha.
