Ambasadorja amerikane në Tiranë, Yuri Kim ka reaguar ashpër ndaj gjestit që bëri ish-kryeministri Sali Berisha ditën e sotme shtyu Enkelejd Alibeajn.
Gjatë një postimi në rrjetet sociale, Yuri Kim i ka bërë thirrje Berishës që dhuna e tij për të larguar të tjerët nga foltorja nuk duhet të përsëritet më.
Yuri Kim: “Ditët e sulmit ndaj ndërtesave, rrahjes ose largimit të të tjerëve nga podiumet, kërcënimit të atyre që thonë me të drejtë “jo!”, akuzimit të të tjerëve për veprat e këqija që ka bërë, shtrembërimit të shtetit të së drejtës, llogaritjes së mosndëshkimit – ato ditë i përkasin një të shkuare që duhet. Të mos përsëritet!”
Ditën e sotme përgjatë seancës së sotme ish-kryeministri Sali Berisha dhe Enkelejd Alibeaj kanë pasur një moment të sikletshëm në foltore. Pas fjalës së kryeministrit Edi Rama si kreu i grupit parlamentar Enkelejd Alibeaj ashtu dhe ish-kryeministri Sali Berisha kanë dashur të replikojnë me të.
I pari ka mbërritur Alibeaj në foltore, pak sekonda pas tij Berisha. Ky i fundit nuk ka dashur ta lërë Alibeajn të flasë dhe e ka shtyrë madje për të folur vetë. Alibeaj është larguar, por kryetarja e Kuvendit Lindita Nikolla nuk i ka dhënë fjalën as Berishës.
Më poshtë është video që tregon momentin, kur Berisha bën të “fortin” duke shtyrë Alibeajn nga foltorja:
http://gazetareforma.com/wp-content/uploads/gazetareforma-uploads/2022/04/LAJM-I-FUNDIT_-Berisha-shtyn-Alibeajn-ne-foltore-merr-mikrofonin-per-tiu-pergjigjur-Rames.mp4?_=1
