Kryetari i Partisë Demokratike, Sali Berisha, reagoi ndaj deklaratës së Ambasadës Amerikane, e cila theksoi se qëndrimi i SHBA-së do të mbetet i njëjtë për personat e përfshirë në korrupsion madhor.
Berisha u shpreh se nuk ka ndërmend të merret me të shkuarën, duke iu referuar administratës në ikje të Joe Biden.
“Nuk jam këtu për të diskutuar të shkuarën. 5 nëntori u dha përgjigje këtyre. Kjo është administratë që ka humbur. Nuk jam këtu për të harxhuar kohë për të shkuarën. Duhet të më pyesni për të ardhmen.
Po më pyetët për administratën që vjen, se për administratën që ikën, nuk besoj që ka mbetur gjë që nuk kam thënë para jush. Nuk rri të komentoj unë tani, të themi, çfarë t’i thuash, ajo ishte shkruar nga dora e Kimit, bile e kishte ndryshuar pak. Nuk mund të komentoj administratën që ikën”, tha Berisha.
