Ish-kryeministri Sali Berisha në fjalën e tij para mbështetësve në “Rrugën e Shpresës” theksoi se e vetmja zgjidhje është krijimi i një qeverie teknike për të shkuar drejt zgjedhjeve të lira dhe të ndershme. Ai tha se në vend është instaluar një diktaturë dhe duhet mosbindje civile për ta rrëzuar.
“Rrugë tjetër për t’u marrë me diktaturën, përveç mosbindjes civile nuk ka. Ndaj duhet guxim, guxim dhe guxim. Dhe të shporrim, të largojmë nga pushteti këtë bandë, këtë aleancë të pushtetit me krimin. Të krijojmë qeverinë teknike, të shkojmë drejt zgjedhjeve të lira dhe të ndershme. Koha është e guximtarëve, guximtareve. Ndaj dhe koha ka ardhur, çdo ditë që kalon është ditë e humbur të ecur të sigurt drejt fitores që na pret”, tha midis të tjerash Berisha.
