Kryebashkiaku i Lezhës, Pjerin Ndreu ka reaguar pas deklaratës së ish-kryeministrit Sali Berisha i cili ka publikuar pamjet e atentatit ndaj ish-kryetarit të Komunës së Shëngjinit, Salvador Kaçi.
Sipas Ndreut, Salvador Kaçaj më shumë se çdo socialist ka dëshiruar humbjen e ish-kryeministrit Berisha.
Pjerin Ndreu: Edhe njehere mbi nje histori bajate qe riciklohet ne lidhje me gjoja nje atentat qe e paskemi organizuar ne politikisht kunder Salvador Kacaj diten e zgjedhjeve!E para, ai person nuk perfaqeson asgje ne peshen politike, aq sa nuk ka fitu dot as ne partine e Shengjinit ku ka qene kryetar komune me mbeshtetjen e PS! Dmth ne nuk e kemi konsideruar si faktor asnje cast!
E dyta, Salvadori e ka deshiruar me shume se une e cdo socialist humbjen e doktorit! Ajo qe kemi thene ne eshte 0 ne raport me cfare vreri ka vjelle tavolinave Salvadori per Pashkun!
E treta, ne nuk mbajme pergjegjesi per ndonje incident personal, ne oren 6 30 kur historia e votimeve ishte ne fund! Te “vrasesh” Salvadorin ne mbyllje te kutive, eshte kulmi i fantazise idiote qe duhet te degjojme ne per te tille matrapaze politike!
E fundit, e neveris gjithe kete farse turpi dhe qesharake te stisur dhe veshur politikisht PS, kur nuk ka asnje arsye, motiv e as logjike! Pse te mos mendoj se eshte sajese e Salvadorit atehere?! Sepse nuk me lidhet “deshira”e Salvadorit per te fituar doktori me “friken” tone se na beka dam te madh ky mashtruesi i njohur publikisht?!
Kujtojmë se atentati ndaj Kaçajt ndodhi më 14 maj dhe në video duket një makinë e bardhë që i pret rrugën makinës ku udhëtonte Kaçaj me të birin, teksa dy persona dalin për ta qëlluar me armë, por fatmirsisht babë e bir i kanë shpëtuar atentatit.
