Mbetet ende e pazbardhur çështja për zhdukjen e biznesmenit të lojrave të fatit Ervis Martinaj, për të cilën kryeministri Rama tha se ishte ndër shkaqet që ish Drejtori i Përgjithshëm i Policisë Gledis Nano u shkarkua. Këtë të martë kryetari i Partisë Demokratike Sali Berisha ka publikuar një mesazh të dërguar në adresën të tij nga qytetari digjital, i cili shkruan se një vajzë pjesë e Partisë Socialiste ka dijeni në lidhje me fatin e të shumëkërkuarit Martinaj. Sipas po këtij mesazhi të publikuar në Facebok-un zyrtar të kreut të PD-së thuhet se dy ditë para se të zhdukej Ervis Martinaj, ka qenë i strehuar te një vajzë që është pjesë e Partisë Socialiste dhe që punon në Bashkinë e Tiranës.
“Qytetari digjital” thekson se në lidhje me këtë është në dijeni dhe Prokuroria, e cila madje disponon dhe videot ku Martinaj hyn në pallatin ku jetonte vajza ende misterioze dhe gjithashtu pamjet kur të 2 kanë dalë nga apartamenti dhe më pas ka hipur në makinën e vajzës. Sipas qytetarit biznesmeni i lojërave të fatit ka qenë i shoqëruar me këtë vajzë deri në momentin kur është larguar drejt Shijakut, ku janë gjurmët e fundit të tij.
“Pse nuk e nxjerr policia dhe Edi këtë fakt, dhe videot kur del nga shtëpia e kësaj dy ditët e fundit? Apo Edvini do të mbrojë gocat e partisë së vet dhe mos të zbulohet që ai e ka eliminuar vet Ervisin”- thuhet në mesazhin e qytetarit.
Kujtojmë se Ervis Martinaj rezulton i zhdukur dhe është në kërkim nga policia prej më shumë se 40 ditësh. Martinaj konsiderohej si “mbreti” i lojërave të fatit dhe aksioni i qeverisë për rikthimin e tyre erdhi pikërisht në këtë kohë kur filloi të përfolej në lidhje me zhdukjen e Martinajt.
Deri sot nuk ka ende një përgjigje zyrtare nga autoritetet për fatin e tij, por kryeministri Edi Rama ka deklaruar se shumë shpejt do kemi një përgjigje.
Ndërkohë kreu i PD Sali Berisha, është shprehur se Rama është në dijeni për vendodhjen e Martinajt, por së bashku me prokurorinë nuk po veprojnë.
POSTIMI I PLOTË
Për fatin e Ervis Martinajt di gjithçka një femër e partisë së krimit!
Policia dhe prokuroria e partisë fshehin rolin e femrës së partisë.
Qytetari dixhital ka pyetje direkte për Edi Ramën dhe rolin e tij në zhdukjen e Ervis Martinit. sb
“Pershendetje Zoti Berisha! Jam kurioz me dit pse policia e Ramës nuk e nxjerr që dy ditët e fundit para se me u zhduk Ervis Martinaj ka qenë i strehuar te një femër socialiste që punon te bashkia lali erit e cila quhet…Policia e di shumë mirë dhe ka marrë dëshminë e kësaj femre, por pse nuk e nxjerrin sepse deri në momentin qe ka taku shijaksit ka qenë me këtë femër me vete e ka derguar kjo nga shpia e vet ne shijak
Prokuroria ka edhe videot ku shihet ervis martinaj duke hyr ne pallatin ku jetonte kjo femer dhe kan edhe videot qe del nga apartamenti diten e zhdukjes me kte femer dhe hipen ne makinen e ksaj
Pse se nxjerr policia dhe edi ket fakt dhe videot kur del nga shoia ksaj dy ditet e fundit
Apo edvini do te mbroj gocat e partis vet dhe mos te zbulojet qe e ka eliminu vet ai ervisin”
