Mesditën e sotme, Komisioni i Rithemelimit të PD, i kryesuar nga ish-kryeministri Sali Berisha ka mbërritur në selinë blu.
Berisha ka hyrë me entuziazëm në selinë blu ku ka përshëndetur në çdo zyrë demokratët. Më pas Berisha i është drejtuar sallës ku do të zhvillohet takimi me Komisionin e Rithemelimit të PD-së
Në këtë moment, Berisha tha se u kanë marrë karriget dhe bëri batutën epike: “Çmenduria e Bashës ka marrë fund, i ka marrë gjitha karriget në zyrën e tij nuk i mjafton karrigia e tij por ka marrë edhe tonat (qesh)”
Brenda PD-së po zhvillohen dy takime paralele, Lulzim Basha ka mbledhur kryesinë e PD-së, ndërsa në zyrën ngjitur po zhvillohet takimi mes Berishës dhe anëtarëve të Rithemelimit të PD-së.
Kujtojmë që më 11 dhjetor u zhvillua Kuvendi Kombëtar i ish-kryeministrit Berisha, në të cilin u zgjodh Komisioni i Rithemelimit dhe gjithashtu u votua për shkarkimin e kreut aktual të PD-së nga funksioni i tij, Lulzim Bashës.
Kuvendi miratoi një statut të ri në bazë të të cilit u vendos dhe shpallja e pavlefshme e zgjedhjes së strukturave drejtuese aktuale. Zoti Basha u kundërpërgjigj në mbrëmje me një mbledhje të kryesisë e cila i propozoi Këshillit kombëtar shkarkimin e kryetarit të këtij Këshilli, Edi Paloka dhe disa anëtarëve të kryesisë, ndërsa u shkarkuan menjëherë disa kryetarë degësh. Ai tha se “asnjë deklarim i dalë nga ky tubim nuk ka asnjë lidhje me Partinë Demokratike.
