Ish-kandidati për kreun e PD e ka shprehur qartë mendimin e tij për s ai përket hyrjes së Sali Berishës në parlament, pasi u shpall “non-grata” nga SHBA. I ftuar në emisionin “Real Story”, Kadilli tha se PD nuk mund të prishë marrëdhëniet me Amerikën.
Ai gjithashtu shprehu vlerësimin e tij për Berishën, duke e cilësuar politikanin më të zotë që ka Shqipëria dhe tha se ai është i vetëdijshëm që e dëmton PD-në duke e përfshirë në problemet që ai ka personalisht me SHBA-të. Kadilli tha se pret një reagim nga Berisha në ditët e mbetura dhe uron që të mos i turpërojë demokratët në këtë sfidë.
“Kam besuar se Sali Berisha është politikani më i zotë që ka Shqipëria. Në momentin që u shpall Non Grata kam reaguar i pari dhe i kam kërkuar PD-së se nuk mund të prishet me Amerikën. Berisha e ka vetëdijen se PD është më e shëndetshme nëse nuk dëmtohet dhe ai e kupton se e dëmton duke e përfshirë PD-në duke lidhur fatin e tij me të. Shpresoj të ketë një reagim nga ai këto pak ditë që kanë mbetur. Kryetari i partisë nuk foli duke nuk është ai kryetari. Uroj që Berisha të mos i trupërojë në këtë sfidë”, ka thënë Kadilli.
