Ish-kryeministri Sali Berisha i ka uruar shërim sa më të shpejtë rivalit të tij të dikurshëm Fatos Nanos, i cili ndodhet i shtruar në spital në gjendje të rëndë për jetën.
Berisha në fjlaën e tij u ndal edhe tek dekorata që iu dha dje Nanos nga kryeministri Rama duke theksuar se vetëm mirënjohje mbi tokë nuk ekziston për të dhe akuzuar se përdor fatkeqësitë për qëllime të veta.
“Me gjithë sinqeritetin dhe me gjithë zemër i uroj shërim të shpejtë dhe të plotë. Ta kalojë këtë situatë jo të lehtë dhe të rikthehet në familjen e tij. Nuk dua të shkoj më tej se po të shkoj më tej do të dënoja me ashpërsinë më të madhe fasadën e jagos se në qoftë se kishte një Jago, Edi Rama ishte Jago i Fatos Nanos dhe të të qajë Jagoja Zoti është i madh, nuk kam ç’të them tjetër. Çfarë mirënjohjeje, vetëm mirënjohje mbi tokë nuk ekziston për të. Nuk ka moment fatkeqësie që Edi Rama të mos e përdorë për qëllime të veta. Kur përdor dhe të tjera. Ai përbën një Jago dhe e ka të qartë çdo socialist shqiptar që e ka integritetin të mbetet socialist dhe të mos shndërrohet në rilindës. Rilindësit janë sekt”, deklaroi Berisha.
Jagoja ishte një personazh intrigant te Otello i Shekspirit, armik i Otellos, pavarësisht se ai e mendonte shok.
