Ish-kryeminsitri Sali Berisha i cili garoi në këto zgjedhje në aleancë më partinë e Metës, “Partinë e Lirisë”, ka pësuar humbje edhe në vendlindjen e tij, Tropojë.
Pas përfundimit të procesit të numërimit rezultoi se Rexhë Byberi ka arritur të marrë mandatin e dytë në Tropojë.
Menjëherë pas numërimit të kutive, socialistët janë mbledhur për të kërcyer ndërsa i bien daulles.
Festës i bashkohet edhe Rexhë Byberi i cili mori fitoren me 5126 vota ndërsa rivali i tij i ‘Bashkë Fitojmë’ Besnik Fushaj mori 4876. Me vetëm 250 vota diferencë ia doli që të marrë mandatin e dytë.
Në Bashkinë Kukës është kandidati socialit Safet Gjici që vijon të udhëheqë teksa janë numëruar 16 nga 73 kuti. Ai ka marrë deri më tani 51% të votave përkundrejt 41% të rivalit të tij kryesor Admir Sinamatit të ‘Bashkë Fitojmë’. Në këtë bashki garon edhe Abedin Oruçi i PEISH, i cili ka marrë 7.74%.
Në Bashkinë e Hasit është kandidati i Bashkë Fitojmë Miftar Dauti që merr fitoren me 4400 të votave përballë kandidatit socialist Beqir Mulaj, i cili ka marrë 3488 të votave. Theksojmë se mbi 3.6 milionë qytetarë kishin të drejtë vote, për të zgjedhur 61 kandidatë për kryebashkiakë. Në 61 bashki të vendit ishin të hapura 5213 qendra votimi. Mbi 500 qendra votimi shfaqën probleme teknike me identifikimin biometrik, duke shkaktuar vonesa në votime.
