Mbrëmjen e sotme i ftuar në emisionin “Të Paekspozuarit” ish-kryeministri Sali Berisha tregoi se anëtarët e PD-së do ta shoqërojnë njerëzisht kryetarin Lulzim Basha pasi sot Komisioni i Rithemelimit i dërgoi ultimatumin e lënies së zyrës deri në 5 janar. Berisha gjithashtu tregoi se ai nuk mund të ndërhyjë në këtë gjë, pasi anëtarët e partisë janë përmbaruesit e këtij vendimit të sotëm të Komisionit të Rithemelimit, në përputhje me rezultatin e referendumit të 18 dhjetorit që u shpreh pro-shkarkimit të Bashës.
BERISHA: Anëtarët e PD do ta shoqërojnë Bashën njerëzisht jashtë selisë në mënyrë përfundimtare. Ata janë përmbaruesit e vendimit të tyre.
Nuk ka punë Sali Berisha me këtë. U mblodhëm në protestën e fundit, shumë njerëz kishin dëshirë ta nxirrnin nga selia. Jo thashë, do ti çohet një shkresë. S’kemi pse humbasim ne seriozitetin. I thamë je deputet, liro ato zyra sepse deputetët nuk kanë zyrë. Mund të bëhej më shpejtë por i dhamë kohë. Gjithçka është bërë konform rregullave me qytetari. Por, a ka mundësi Sali Berisha për ta ndërprerë këtë? Absolutisht jo.
Këtë nuk mund ta ndaloj absolutisht sepse është vendim i anëtarësisë.
Po ashtu kujtojmë se ish-lideri i PD-së pretendon se mbrëmjen e 18 dhjetorit kur shkoi me mbështetësit e tij në selinë e PD-së për të konfirmuar rezultatet e referendumit për shkarkimin e Lulzim Bashës se ka patur persona të armatosur, mes tyre dhe shqiptarë nga trevat jashtë Shqipërisë që mbronin kryetarin e PD-së Lulzim Basha
