POGRADEC
Gjykata e Pogradecit ka vendosur masën e sigurisë “arrest me burg” për Mariglen Topuzin, i arrestuar për sulmin me armë zjarri ndaj hotelit në Tushemisht.
Gjykatësit vendosën që Topuzi të qëndrojë në burg për së paku 30 ditë.
Ai akuzohet se është ndër personat që ka sulmuar me armë hotelin “Voloreka” në Tushemisht të qytetit liqenor.
Mariglen Topuzi dhe persona të tjerë të armatosur kanë qëllluar me kallashnikovë rreth 100 herë në ambjentet e jashtme të hotelit.
Ata kanë dashur të vrasin djalin e pronarit, ndërsa kanë bërë shoshë makinat luksoze që ishin parkuar aty pranë.
Gjatë ditës së sotme, forcat RENEA kanë arrestuar edhe 4 të tjerët, të dyshuar të përfshirë në këtë ngjarje kriminale.
Në një operacion të zhvilluar në fshatin Vërdove është arrestuar, Ilir Berberi, Ilir Meçolli, Ardian Xhuti, Elvir Haxhia dhe Mariglen Topuzi. Grupi mendohet se drejtohej nga Ilir Berberi, person me precedentë të mëparshëm kriminalë.
