Në Elbasan, një 34-vjeçar ka kërcënuar prindërit e tij, madje ka ushtruar edhe dhunë. Si rrjedhojë , bëhet me dije se Danjel Gaxhja është shpallur në kërkim nga policia. Ai sapo ka konstatuar mbërritjen e shërbimeve të Policisë, ka dalë nga banesa dhe ka mundur të largohet në një terren të vështirë malor, në fshat. Nderkohe gjate kontrollit ne banese jane sekuestruar 1 armë zjarri kallashnikov, 2 pako me dinamit dhe municion luftarak, që dyshohet se i posedonte 34-vjeçari.
NJOFTIMI:
Elbasan
Ndërhyrja në kohë e shërbimeve të Policisë parandalon një ngjarje të mundshme kriminale në familje.
Ushtroi dhunë ndaj prindërve të tij dhe i kanosi ata për jetën, shpallet në kërkim 34 vjeçari.
Policia sekuestron 1 armë zjarri kallashnikov, 2 pako me dinamit dhe municion luftarak, që dyshohet se i posedonte 34-vjeçari.
Shërbimet e Policisë, pas njoftimit se një shtetas kishte dhunuar dhe kanosur për jetën familjarët e tij, kanë organizuar menjëherë punën dhe kanë shkuar në banesën e kësaj familjeje, në fshatin Shushicë.
Shtetasi D. G. që kishte dhunuar dhe kanosur për jetën, prindërit e tij, sapo ka konstatuar mbërritjen e shërbimeve të Policisë, ka dalë nga banesa dhe ka mundur të largohet në një terren të vështirë malor, në fshat.
Shërbimet e Policisë po vijojnë kontrollet për kapjen e shtetasit D. G.
Gjatë kontrollit në banesë, janë gjetur dhe sekuestruar:
1 armë zjarri, 2 pako me lëndë të dyshuar plasëse dinamit, 1 kapsolle detonatore dhe municion luftarak.
Vijon puna për kapjen e 34 vjeçarit.
Materialet do t’i kalojnë Prokurorisë, për veprime të mëtejshme
