Një 20-vjeçar shqiptar është arrestuar në Raguza të Italisë, pasi akuzohet se ka kryer disa vjedhje.
Mediat italiane bëjnë me dije se bëhet fjalë për shtetasin, Arxhens Zykollari, i cili u kap nga policia pas shtimit të denoncimeve të rasteve nga qytetarët, të cilëve iu janë plaçkitur shtëpitë, dyqanet si dhe mjete të tjera, përfshirë madje edhe biçikleta dhe televizorë.
Në bashkëpunim me disa të tjerë, shqiptari vidhte gjatë natës, ndërsa policia ka mundur të identifikojë edhe 4 bashkëpunëtorët e 20-vjeçarit.
Sipas mediave italiane bashkëpunëtorët ishin përgjegjës dhe fshihnin mallrat e vjedhura në banesa, restorante, palestra dhe shumë ambiente të tjera.
Shqiptarit dhe grupit të tij iu sekuestruan pajisjet e vjedhura si televizorë, kompjutera dhe tablete, por edhe një shumë prej 30 mijë eurosh.
Të gjithë pajisjet e konfiskuara u dorëzuan më pas tek poseduesit e tyre.
20-vjeçari aktualisht ndodhet në burg.
