Spartak Salihaj rrëfen aventurën e tmerrshme në det të hapur kur mjetet e tyre të serfit u çanë. Ata ishin në bregdetin e Semanit, kur dallgët i tërhoqën në thellësi.
“Duke qënë se era ishte nga jugu në drejtim të detit jo në drejtim të tokës dhe dalja ishte shumë e vështirë”, tregon Salihaj.
“Të shërohemi njëherë pastaj do ta bëj sërish sërf. Pasioni është i vështirë për tu lënë“, shprehet ai.
Dëshmia
“Një natë më parë ne kishim dalë për të bërë sërf dhe ndodhi që vëllait tim ju këput një fije nga të balonës dhe e mori deti por vet doli. Pastaj vajta unë për të marrë balonën ndërkohë era favorizonte për tu larguar nga deti, nuk të afronte.
Kur po shkoja për të marrë balonën humbas edhe bordin rrugës.
Braktis bordin dhe shkoj për të kapur balonën. Kur e kap fillon për tu kthyer . 1500 metra ne thellësi të detit. Kur po kthehesha në breg ndalon era dhe më bie edhe balona që kisha. U bën dy balona u bën shumë fije u ngatërruan nëpër duar nëpër qafë edhe u detyrova njërën nga balonat e braktisa dhe tjetrën e përdora si gomardare që i hipa sipër dhe cepin e saj e ngre dhe e përdor për të nxjerrë në breg. Por duke qenë se era ishte nga jugu në drejtim të detit jo në drejtim të tokës dhe dalja ishte shumë e vështirë.
3 orë e gjysmë luftë duke pritur që të vinte ndonjë varkë të paktën ndonjë peshkatar. Nuk kisha se si të kërkoja ndihmë se nuk kisha asnjë lloj mjeti.
Në nxitim e sipër kam bërë thirrjet e mia me ato mundësi që kisha. Në breg të detit ishte vëllai që e përjetoi më keq dhe miqtë e mi që e panë që u futa në det.
Edhe herë tjetër ka ndodhur, por jo në përmasa të tilla.
Dola vet nga deti.
Të shërohemi njëherë pastaj do ta bëj sërish. Pasioni është i vështirë për tu lënë“.
Njoftimi i Policisë:
Sot (dje) rreth orës 16:20, njoftohemi se dy shtetas duke bërë sërf kanë mbetur në mes të detit.
Menjëherë pas njoftimit janë nisur drejt bregdetit të Semanit shërbimet e DVP Fier dhe forcat e Policisë Kufitare Vlorë cilët në bashkëpunim edhe me qytetarët e zonës bënë të mundur shpëtimin e të dy personave që po bënin sërf.
Dy shtetasit (vëllezër), E. S., 28 vjeç dhe S. S., 48 vjeç, banues në Havales, Fier, po transportohen në Spitalin e Fierit dhe janë në gjendje të mirë shëndetësore
/Gazetareforma.com/
