Që në vitin e kaluar qeveria ka shpallur gjendjen e krizës energjiktike, ndërkohë që reshjet e shiut kanë qenë në sasi masive.
Shqipëria konsiderohet si vendi që nuk ka ditur si ta menaxhojë mirë situatën duke e shitur lirë tek kompanitë e huaja dhe si përfundim ne e blejmë më shtrenjtë.
Mbrëmjen e djeshme kryeministri Rama në emisionin “Opinion” ka shpjeguar se pse u shkarkua Fierza, duke e shitur energjinë shumë më lire sesa e kishim blerë me herët.
Rama si gjithnjë u mundua që argumentin ta përfshinte në një ‘show’, duke përdorur këtë herë filaxhanin, si objekt krahasues.
Për ta shpjeguar Rama mori filxhanin duke thënë se baseni i HEC-it nuk mund të mbushej më shumë se sa lejohej pasi mund të shembej diga. Rrjedhimisht sipas tij, kur ka shumë prurje ose duhej derdhur uji duke hapur digat ose duhej shitur.
Për këtë arsye sipas tij është shitur energji me çmim të lirë në kohët me shi dhe është blerë më shtrenjtë në kohëra të thata.
“Pse ne shesim energji më lirë se sa e blejmë? Sepse e shesim kur ka shumë reshje dhe ka shumë prodhim dhe duhet që ose ta shesim dhe ose ta derdhim ujin, kurse kur e blejmë e gjithë zona ka nevojë për energji dhe është e thatësirë gjithandej”, tha Rama në Opinion.
Kujtojmë që “Gazeta Reforma” e ka vënë disa herë në dukje problematiken paradoksale, që energjia vendase shitet më lirë, ndërkohë jemi ne ato që e importojmë shumë më shtenjtë nga vendet e tjera.
Korporata Elektronergjetike Shqiptare ka raportuar për “Gazetën Reforma” në muajin dhjetor, që konsiston edhe me pikun e reshjeve, se prurjet në Hec-in e Fierzës kishin arritur 650 m3/s ,në Hec-in e Komanit 651 m3/s dhe në “Vaun e Dejës” 180 m3/s .
Këto vlera të konsiderueshme të prurjeve janë “falur” pothuajse, në krahasim me çmimin me të cilin ne e blejmë energjinë.
Përballë këtyre fakteve, edhe argumentat dhe filxhani i Ramës nuk duket shumë bindës për të justifikuar keqmenaxhimin. /Gazeta Reforma
