Ditën e sotme kontrollorët e AlbControl në Rinas, pezulluan punën . Mësohet se menjëher pas kësaj ngjarje është nisur për kontroll ministrja e Infrastrukturës, Belinda Balluku. Sipas BW kontrollorët pasi pezulluan punën janë kthyer sërish në zyrat e tyre dhe po presin ministren Balluku për të diskutuar për kërkesat e tyre.
Rreth 65 kontrollorët kanë disa kërkesa që pritet t’i negociojnë me ministren, ndërkohë që prej mungesës së tyre në punë për rreth 30 min janë anuluar dy fluturime Athinë-Tiranë dhe Stamboll-Tiranë.
Kujtojmë se vitin e kaluar bordi i AlbControl i uli pagat me 62%, ndërkohë që kontrollorët kanë firmosur kontratën e paaftësisë në punë edhe për shkak të stresit ndaj pandemisë, por nuk është marrë parasysh nga drejtuesit. Nga dje kontrollorët e AlbControl janë futur në protestë në heshtje dhe kanë disa kërkesa, një prej të cilave kthimi i kolegëve në punë që pretendohet se janë hequr nga puna. Sot mbledhja dështoi, dhe kontrollorët paralajmërojnë se pezullimi i punës nga ata do të vijojë.
Kujtojmë se ditën e djeshme, 60 kontrollorë të “Albkontroll” në Rinas, hynë në grevë për shkak të pushimit nga puna të 5 kolegëve të tyre, si dhe për shkak të uljes së pagave. 5 personat e pushuar nga puna janë: Flora Ndreca, Muhin Mezini, Nelton Shabani, Gentian Hodo dhe Edvin Bakiri. Kontrollorët thonë se u thirren direkt nga drejtuesit dhe u njoftuan për pushim nga puna, por ata refuzuan të firmosin. Pritet që gjatë këtyre ditëve, të ketë probleme me trafikun ajror, për shkak se nuk do të ketë kontrollorë në kullë.
