Një tjetër shtet heq kufizimet për udhëtarët shqiptarë. Listës së vendeve që ka hequr kufizimet për qytetarët e vendit tonë i është bashkuar edhe Belgjika. Lajmin e mirë e ka dhënë Tirana Internacional Aeroport, me anë të një njoftimi zyrtar në faqen e saj në rrjetet sociale. Në njoftim thuhet se tashmë qytetarët shqiptarë mund të udhëtojnë drejt Belgjikës pa test dhe pa vaksinë për COVID-19. Për të udhëtuar të mjafton vetëm bileta, pasaporta dhe maskë.
“Hiqen të gjitha kufizimet për qytetarët shqiptarë që duan të udhëtojnë në Belgjikë.
As testi, as vaksinat nuk janë të detyrueshme.
Mjafton bileta, pasaporta dhe maska.
Ju urojmë shëndet të gjitha familjeve që bashkohen.
Ju faleminderit për bashkëpunimin”, thuhet në njoftimin e plotë të Tirana Internacional Aeroport.
Kujtojmë se pak më parë Tirana Internacional Aeroport (TIA) me anë të një njoftimi zyrtar në rrjetet sociale, ku bëhet me dije se qytetarët shqiptar mund të udhëtojnë drejt Danimarkës, duke pasur me vete një test PCR të kryer brenda 72 orëve të fundit, test antigen ose certifikatën e vaksinës së aprovuar nga EMA. Ndër të tjera sqarohet se vaksinat e miratuara nga EMA për hyrjen në Danimarkë janë Pfizer, Moderna , AstraZeneca dhe Jonhson&Johnson. Gjithashtu testi nuk është i d9omosdoshëm për grupmoshat nën 15-vjeç, pasagjerët që kanë vërtetit për rezultat pozitiv të testit Covid-19 mes periudhës 14 ditë dhe 8 muaj nga dita e udhëtimit.
