Përfaqësues të Bashkimit Europian i kanë kërkuar Kosovës që të rishikojë vendimin e marrë për rritjen e tarifës ndaj Serbisë dhe Bosnje e Hercegovinës.
Ata shprehen se janë të shqetësuar për këtë vendim dhe thonë se rritja e tarifave bie në kontradiktë me përkushtimin e Kosovës për integrim rajonal.
Në komunikatë theksohet se BE kërkon nga Kosova me patjetër që të rishikohet vendimi pasi, sipas tyre do të ishte ‘vendim i drejtë për aspiratat drejt integrimit në BE’.
“Ne e shohim me shqetësim vendimin e Kosovës për rritjen e tarifës 100 përqind edhe ndaj produkteve të njohura ndërkombëtarisht të shteteve të tjera, duke përfshirë ato të Bashkimit Evropian, që prodhohen në Serbi dhe Bosnje e Hercegovinë. Ne theksojmë mesazhin e Bashkimit Evropian se rritja e tarifave nuk kontribuon drejt fqinjësisë së mirë dhe bie në kontradiktë me përkushtimin e Kosovës për integrim rajonal si dhe me parimet e Marrëveshjes së Stabilizim Asociimit të përshkruara ndaj Kosovës”, thuhet në komunikatë.
