Emisioni “Plug” në Syri Televizion, denoncoi mbrëmjen e të mërkurës aferën e shoqërisë “5 D Konstruksion”, e cila dyshohet se është në pronësi të Mariglen Qatos, ish-kreut të inspektoratit të Mbrotjes së Territorit në bashkinë e Tiranës.
Në emision u zbardhën lidhjet, se si kompania u krijua nga Eduard Meta, shok i Mariglen Qatos, i cili më pas ia shiti Muhamet Petritit me profesion bukëpjekës, por njëherazi është dhe vjehrri i vëllait të Mariglen Qatos. Teksa shoqëria “5 D Konstruksion”, u themelua fill pasi erdhi në krye të bashkisë së Tiranës Erion Veliaj, i cili emëroi vartës të tij Mariglen Qaton, kjo kompani arriti sukses të mënjehershëm financiar, duke marrë miliona euro tendera. Konkretisht, “5 D Konstruksion”, ka përfituar rreth 45 tendera publikë nga Ujësjellësi dhe bashkia e Tiranës, si dhe institucione të tjera, vlera e të cilëve shkon në rreth 30 milionë euro.
Tenderat janë dhënë nga bashkia dhe ujësjellësi i Tiranës, në një kohë që Mariglen Qato ka punuar edhe në UKT edhe si drejtues i IMT-s. Në emision u denoncuan dhe punësimet nepotike në Bashkinë e Tirnës, ku familjarë të Mariglen Qatos, janë në pozicione kyç, siç është rasti i drejtorisë së financës në Ujësjellës Kanalizime, ku drejtuese e zyrës ëhstë piërisht kunata e Mariglen Qatos. Jo vetëm tenderat publik, por, “5 D Konstruksion” ka përfituar dhe 3 leje ndërtimi me firmë të Erion Veliajt, ndërsa aktualisht është duke zbatuar projektin konstruktiv të një hoteli me vlerë 15 milionë euro në Durrës, pas të cilit fshihen Redi Molla dhe Elvin Tivari, gjithashtu dy shok të Mariglen Qatos dhe njëherazi ish-drejtues të Bashkisë së Tiranës.
Ky investim me vlerë 15 milionë euro meriton vëmendje, pasi tregon punonjës të shtetit dhe familjarë të tyre, gjatë kohës që ushtrojnë funksione publike, shfaqen edhe si investitorë në shuma të mëdha financiare, që nuk justifikohen nga të ardhurat e deklaruara. Dy prej invstitorëve të hotelit luksoz në Durrës, janë Elvin Tivari, aksioner i shoqërisë ETITUR dhe Selim Molla, aksioner i vetëm i shoqërisë RESTUR.
Në emision u sollën denocnimet e kryera nga kreu i grupit të ekspertëve në Partinë Demokratike, Belind Këlliçi, i cili ka depozituar dhe një kallëzim penal në SPAK, ku deri më tani mësohet se janë kryer disa veprime, por ende nuk ka persona nën hetim për dosjen. Pak javë më parë, lideri i opozitës Sali Berisha deklaroi se drejtorët e Erion Veliajt po dërgojnë miliona euro jashtë vendit me chartera, ndërsa media e afërt me qeverinë në pronësi të gazetarit Baton Haxhu”, Albania Post, ka paralajmëruar se bashkia e drejtuar nga Erion Veliaj do të mbetet pa drejtorë për shkak të aferave ku janë përfshirë Mariglen Qato dhe vartësit e tjerë të Veliajt.
Kompania dhe lidhjet me bashkinë Tiranë.
Në total, nga viti 2016 e deri në vitin 2022, kompania “5 D Konstruksion”, ka te ardhura nga shitjet një shumë prej 2,157,199,892 apo rreth 20 milionë euro. Burimi kryesor I të ardhurave të kësaj kompanie, rezulton se kanë qenë tenderat publikë.
Sipas të dhënave të Open Data Albania, shoqëria “5 D Konstruksion”, ka përfituatr të paktën 45 tendera publikë, ku në 5 raste ka marrë pjesë si operator I vetëm ekonomik, ndërsa në 40 të tjera ka qenë në bashkëpunim me kompani të tjera.
Institucionet kryesore që I kanë dhënë tendera publikë kësaj kompanie, vlera e të cilëve kalon më shumë se 25 milionë euro, janë: Bashkia e Tiranës, institucione në tjera në varësi të Bashkisë Tiranë, Autoriteti Rrugor Shqiptar etj./Syri.net
