Ish-kryeministri Sali Berisha është deklaruar kundër një bashkëqeverisjeje PD-PS në konferencën e sotme për shtyp.
“Cilat janë fantazitë e të tjerëve nuk e di, unë shpreha këtë konsideratë dhe ju informova ju për hapin që ndërmorra. Bashkëqeverisja fatalitet për Shqipërinë, jam i bindur që nuk i shërben. Shqipërisë i duhen zgjedhje të ndershme dhe jo bashkëqeverisje”, ka thënë Berisha.
Ai ka folur edhe për qëndrimin e kreut të PD për vendimin e SHBA-ve, duke thënë se Partia Demokratike do të shprehte një qëndrim, duke qenë se ai është pjesë e kësaj partie.
“Unë mendoj se Partia Demokratike një qëndrim do shprehte, ai e shprehu apo jo. Unë jam pjesë e asaj partie”, u shpreh Berisha.
Ndërkohë, ai e ka quajtur normale heshtjen e presidentit Ilir meta, duke thënë se është normale që të mos prononcohet për këtë rast, pasi ai prononcohet vet.
“Është normale që Ilir Meta të mos prononcohet për këtë rast. Dhe nuk ka pse e bën. Unë prononcohem vetë siç dhe e shikoni”, tha Berisha.
Ndërsa i pyetur për deklaratën e Matheë Palmer, Berisha tha se ai do e shqyrtojë dhe do vendosë nëse do e padisë.
“Do ta shqyrtojë vendimin e tij. Nuk e kam parë vendimin e tij, por ai është një zyrtar i cili ka mbrojtur deklaratën e Departamentit të Shtetit. Do ta shqyrtojë deklaratën e tij por unë sot”, ka thënë ish-kryeministri.
