Kreu i PD, Lulzim Basha ndodhet ditën e sotme në Novoselë ku është pritur me ovacione dhe entuziazëm nga banorët. Nga aty kryedemokrati ka bërë thirrje që qytetarët të dalin të votojnë e të mos qëndrojnë në shtëpi duke u lutur pasi kjo nuk sjell asgjë. Basha ka thënë se e sheh ndryshimin që ka nisur në gjithë Shqipërinë, ndërsa ka kujtuar arritjet e PD kur ka qenë në qeveri.
“Të gjithë duhet të bëhemi baskë se ndryshimi vjen vetëm me votë. Po qëndrove në shtëpi duke u lutur nuk sjell gjë. Të gjithë tek kutitë e votimit me 25 prill, sepse shqiptarët janë të bashkuar për të ndryshuar dhe do të ndryshojë. Nga Shkodra në Vlorë, e shoh që ka nisur ndryshimi. Detyra jonë është që këtë ndryshim ta bëjmë real me votën më të madhe popullore që ka njohur vendi. Duhet të hapen sa më shpejt tregjet e Evropës, e për këtë duhet ë shpejtojmë procesin e negociatave, sepse Shqipëria ka tetë vite në vendnumëro, sepse kanë ngecur negociatat. Kur qeveria punon për njerëzit dhe ju e ndihni përfitimin. E mbani mend kur hoqëm vizat, ne duam ta bëjmë Shqipërinë anëtare të BE, kjo është garancia. Rama tetë vite nuk bëri asnjë hap përpara. Në veçanti duhet angazhimi i nënave dhe grave shqiptare”, është shprehur Basha.
Kujtojmë që lideri i PD është pritur me entuziazëm nga bënorët edhe në Kavajë, Kamëz e Shkodër teksa qytetarët janë grumbulluar pa distancë e pa maska pavarësisht kufizimeve të pandemisë.
https://www.facebook.com/watch/?v=727325077965754
