Kryetari i Partisë Demokratike, Lulzim Basha ka qenë në një takim me banorët enjësisë Nr.7 në Tiranë në kuadër të fushatës elektorale për zgjedhejt e 25 prillit. Basha ka thënë se kjo njësi e bën të ndihet sin ë shtëpi, pasi aty ka nisur edhe karrierën politike. Kryedemokrati tha se ora e ndryshimit po vjen dhe ai do ketë mundësi t’u shërbejë qytetarëve si kryeministër. Kryedemokrati ka bërë edhe njëherë thirrje për votim masiv në 25 prill.
“Faleminderit miq të dashur! Kudo që shkoj them: zonja dhe zotërinj, këtu është familja ku unë kam nisur jetën time politike dhe dua t’ju them vëllezër dhe motra. Faleminderit për këtë pritje të jashtëzakonshme! Si përherë më bëni të ndihem ashtu siç jam në shtëpinë time. Ora po afron, dita po afron, së bashku do të sjellim ndryshimin për familjet tuaja dhe unë të kem mundësi t’ju shërbej tashmë jo vetëm si një ish-deputet apo kryetar bashkie, por edhe si kryetar i qeverisë së ndryshimit me votën dhe me besimin tuaj. Faleminderit nga zemra! Të gjithë masivisht në kutitë e votimit më 25 prill! Asgjë nuk e ndal dot ndryshimin, sepse ndryshimi tashmë është në zemrën e çdo shqiptari! Dhe me ndryshimin, Shqipëria fiton! Ju fitoni!”, tha Basha.
