Lulzim Basha ka shkuar pak më parë në zyrat e Frymës së Re Demokratike të cilat këtë paradite u bastisën nga Policia Bashkiake.Basha ka thënë se Rama është i kapur nga oligarkët dhe tashmë e ndjen se po e afrohet fundi e po reagon si bishë e plagosur.
“Shqiptarët e dinë sepse e kanë vuajtur dhunën e këtij shteti ndër vite. E kanë vuajtur mbi 30 mijë qytetarë të marrë me forcë nga banesat e tyre sepse nuk paguanin dot energjinë. Mijëra qytetarë, taksapagues që u larguan nga puna vetëm mbi kriteret e banditizmit dhe propagandizimit. Dhunën e kanë ndjerë mijëra qytetarë, banesat e të cilëve janë shembur pa ligj. Dhjetëra fëmijë nga gazi lotsjellës, artistët me Teatrit, bizneset prej familentit, të rinjtë shqiptarë që largohen nga Rama. E kanë ndjerë studentët. Dhuna e Ramës është sjellja e shtetit të kapur prej tij, burimi i gjithë të këqijave. Dhuna nuk është zgjidhja, optimizmi nuk mungon”, ka thënë Basha.
Basha ka bërë ftesë për bashkim që Shqipëria të kthehet në rrugën e duhur, ndërsa ka akuzuar sërish Ramën se ka darkuar me kriminelë dy netë më parë.Kryedemokrati është shprehur se në 25 prill Rama do të largohet dhe do të nisë rruga e ndryshimit.
“Ju ftoj të jemi bashkë e të vendosur. Shqipëria duhet të kthehet në rrugën e duhur, i them pakicës absolute, Ramës, kriminelët që ke darkuar para dy netësh në kryeministri. Jeni një grusht njerëzish, ju nuk e ndalni dot ndryshimin. Më 25 prill zgjedhja është e qartë…Këto skena do të vijojnë nëse 25 prilli mbetet dita e statu-quosë. S’ka shans mbi tokë që kjo të ndodhë. Shqipëria do i kthehet shqiptarëve. Edi Rama do të largohet, dhe ne të gjithë do të nisim rrugën e ndryshimit”, u shpreh Basha.
