Kreu i Partisë Demokratike, Lulzim Basha ka reaguar në lidhje me përmbytjet e fundit që kanë përfshirë Gjermaninë dhe Vendet e Ulëta e kanë shkaktuar dhjetra të vdekur e mijëra të zhdukur.
Një një postim në Twitter Basha shkruan se zemra e tij shkon për viktimat dhe të dashurit e tyre, ndërsa mednimet dhe lutjet janë me familjet dhe të gjitha komunitetet e prekura nga katastrofa natyrore.
Basha shkruan se Partia Demokratike dhe populli i Shqipërisë qëndron në solidaritet për njerëzit dhe autoritetet për t’u rikuperuar nga kjo ngjarje tragjike.
“Zemra ime shkon për viktimat dhe të dashurit e tyre të goditur nga përmbytjet dramatike në Gjermani, Holandë, Belgjikë dhe Luksemburg. Mendimet dhe lutjet tona janë me familjet dhe të gjithë komunitetet e prekura nga kjo katastrofë natyrore. Partia Demokratike dhe populli i Shqipërisë qëndron në solidaritet të plotë me dhe në mbështetje për njerëzit dhe autoritetet ndërsa ata punojnë për të shpëtuar jetët dhe për t’u rikuperuar nga këto ngjarje tragjike”, shkruan Basha.
Ditët e fundit reshjet e dendura të shiut kanë përfshirë Gjermaninë, Belgjikën, Holandën dhe Luksemburgut duke bërë që lumenjtë të dalin nga shtrati duke shkaktuar përmbytje të shumta. Ekspertët kanë thënë se shkak për këtë mot ekstrem janë bërë ndryshimet klimatike.
