Kryetari i Partisë Demokratike, Lulzim Basha ka reaguar në lidhje me arrestimin e kreut të Bashkisë së Lushnjës, Fatos Tushe. Basha shkruan në një postim në Twitter se arrestimi i Tushes pas denoncimeve shumëvjeçare të PD-së për lidhjet e tij me krimin, mund të jetë një fillim i mbarë. Më tej kreu demokrat thotë se e gjitha kjo do të varet nga aftësia, kuarajo dhe pavarësia e drejtësisë për të goditur lidhjet e pushtetit me krimin deri edhe vetë Ramën dhe përfitimet nga bashkëpunimi me krimin.
Reagimi i plotë i Bashës:
Arrestimi i Fatos Tushës pas denoncimeve shumëvjeçare nga PD të bashkëpunimit të tij korruptiv me krimin e organizuar, mund të jetë një fillim i mbarë. Por kjo do të varet nga aftësia, kuarajo dhe pavarësia e drejtësisë për të goditur lidhjet e pushtetit me krimin, lidhjet e Hakmarrjes për Drejtësi me Tushën, Braçen dhe vetë Ramën, dhe përfitimet e tyre të ndërsjellta në vite të gjata bashkëpunimi.
Në lidhje me arrestimin e Fatos Tushes ka reaguar ehde kryeministri Edi Rama i cili ka thënë se PD nuk do bëhet mbulesë për askënd, duke nënkuptuar që Tushe duhet të përgjigjet vetë para ligjit. Nuk ka munguar edhe reagimi i ambasadores Yuri Kim e cila tha se askush nuk ëhstë mbi ligjin.
