Kreu i Partisë Demokratike Lulzim Basha ka reaguar menjëherë pas akuzave e deklaratave të forta të kryeministrit Rama nga salla e Kuvendit për presidentin Ilir Meta, por jo vetëm.
Basha është shprehur se Rama po bën teatër me shkarkimin e Metës. Sipas Bashës, Meta nuk do të shkarkohet nga detyra por e gjithë kjo po bëhet vetëm për të larguar vëmendjen.
Në një bashkëbisedim me gazetarët, Basha tha se Shqipëria po shkon drejt një situate të grushtit të shtetit, të organizuar nga mafia në bashkëpunim me Edi Ramën dhe kupolën e tij të ardhur në pushtet jo nga qytetarët.
“I vënë përballë kërkesës për largimin e përgjegjësit për këtë krizë të rënë politike dhe ekonomike, krijimi i një qeverie tranzitore, Edi Rama ka vënë në lojë teatrin e shkarkimit të Edi Ramës dhe bën teatër me datën 30 qershor.
E gjitha ka një qëllim: të shfokusojë vëmendjen e opinionit publik, se e gjithë bota e di se ne kemi në krye të vendit një bandit të kapur me presh në duar që nuk përfaqëson legjitimitet, por ilegjitimet. Një njeri që ka ardhur në pushtet me krimin. farsa e nisur me shkarkim të presidentit, që përfundoi në një rezolutë dhe pastaj në një qortim jetik, bëhet vetëm se Edi Rama ka nevojë jetike të largojë vëmendjen nga fakti se është kapur të vjedhë zgjedhjet, të vjedhë qytetarët. Është pjesë e teatrit, që të ruajë pushtetin e paligjshëm, nëpërmjet të cilit ai dhe një grusht njerëzish rreth tij pasurohen, ndërsa fëmijët e shqiptarëve nuk kanë bukë të hanë”, tha Basha.
