Kreu i Partisë Demokratike, Lulzim Basha ka publikuar një video në rrjetin social Facebook ku u bën thirrje qytetareëve që të dalin masivisht në kutitë e votimit në zgjedhjet parlamaentare të 25 prillit. Në fjalën e tij Basha thotë se me votën e qytetarëve ai do të ketë mundësi që t’u shëbejë atyre jo vetëm si ministër, deputet apo si kryetar bashkie, por edhe si kryeministër në qeverinë që do të sjellë ndryshimin pas zgjedhjeve. Kreu i PD është shprehur se asgjë nuk e ndal dot ndryshimin sepse tashmë ai është në zemrat e çdo shqiptari. Basha thotë se me ndryshimin Shqipëria dhe njerëzit fitojnë, ndërsa falenderon qytetarët për mbështetjen që i kanë dhënë.
Mesazhi i videos së publikuar nga Lulzim Basha:
Ora po afron! Dita po afron! Dhe vota juaj do të sjellë ndryshim për familjet tona dhe unë të kem mundësinë t’ju shërbej jo vetëm si ministër, si deputet apo kryetar bashkie, por edhe si kryetari i qeverisë së ndryshimit me votën e 25 prillit. Faleminderit nga zemra! Të gjithë masivisht në kutitë e votimit më 25 prill! Asgjë nuk e ndal dot ndryshimin, sepse ndryshimi tashmë është në zemrat e çdo shqiptari. Dhe me ndryshimin, Shqipëria Fiton, ju fitoni! Faleminderit!
https://www.facebook.com/watch/?ref=saved&v=1141792399669101
