Kreu i Partisë Demokratike, Lulzim Basha ka qenë ditën e sotme në Kamëz ku është pritur me ovacione të shumta nga qytetarët. Një numër i madh njerëzish e pritën kryedemokratin me thirrjet “Rama ik”, ndërsa kanë ecur me të në shi. Basha i ka kërkuar qytetarëve të ruajnë distancën, ndërsa ka thënë se i ka parë me sy vuajtjet e tyre
“Ju falënderoj nga zemra për këtë pritje. I kam parë lotët në sytë e nënave dhe motrave tuaja, kam parë dhimbjet tuaja. Më 25 prill, Shqipëria fiton. Rama ik. Bashkë për ndryshimin, Shqipëria fiton, Kamza fiton.! Mbani distancën. Me 25 prill të gjithë te kutitë e votimit.”, ka thënë Basha.
Kujtojmë që kreu i PD është pritur me ovacione të shumta edhe në Kavajë, ku hipi mbi kofanon e makinës për të përshëndetur qytetarët.
“Ça bëhet këtu! Zëri i Kavajës ka qenë zëri i ndryshimit. Një porosi ju lutem mbajmë pak distancë se jemi afër. Ju falënderoj nga zemra për këtë pritje. Bashkë për ndryshimin, Shqipëria fiton!”, tha kreu i PD-së në Kavajë.
Po ashtu ai u prit me entuziazëm edhe në Elbasan ku pati përplasje mes militantëve të Partisë Socialiste dhe atyre demokratë. Si Rama, ashtu edhe Basha ishin në Elbasan për Ditën e Verës, gjë që solli përplasjen mes mbështetësve të tyre.
