Kreu i Partisë Demokratike, Lulzim Basha është në një takim me qytetarët në Blesh në kuadër të fushatës elektorale. Gjatë bisedës me qytetarët Basha ka deklaruar se në bazë të të dhënave nga spitalet, pas 25 prillit do të bëhet rimbursimi i shpenzimeve për familjet shqiptare që janë kuruar nga koronavirusi në shtëpi. Për ta bërë një gjë të tillë Basha ka thënë se duhet të ndalen pagesat abusive. Sipas kryedemokratit paratë që do i paguhen Beçhetti-t do të mjaftonin për të ndihmuar të gjithë personat që kanë kaluar virusin, për të rritur pensionet etj.
“Pas 25 prillit bazuar në të dhënat e spitaleve dhe të farmacive do të bëjmë të mundur rimbursimin e një mase të madhe të shpenzimeve që familjet shqiptare kanë bërë gjatë kurimit në shtëpi. Që ta bëjmë një gjë të tillë është e nevojshme që të ndalen pagesat abuzive dhe nuk do të lejojmë që zullumet e Ramës një njeri Beçhetti ti paguhet vetëm një njeriu. Ato para janë të mjaftueshme për të ndihmuar të gjithë personat që kanë kaluar Covid, për të rritur pensionet, pagat subvencionuar fermerët, këtu do i çojmë ne paratë e shqiptarëve. Do të bëjmë të mundur digjitalizimin dhe tablet për studentët”, ka thënë Basha.
https://www.facebook.com/lulzimbasha.al/videos/351318019646806/
