Kryetari i Partisë Demokratike Lulzim Basha, ka zhvilluar sot një takim në Shkozet, me banorët e prekur nga tërmeti shkatërrimtar i 26 nëntorit.
Sipas tyre, edhe pas dy muajsh, nuk kanë marrë ende bonusin e qirasë që u takon.
Ata janë shprehur të revoltuar se pallati i tyre është shumë i dëmtuar, por bashkia, pa bërë vlerësim me ekspertizë, u ka thënë të futen brenda.
Për kryetarin e PD-së, kjo situatë është fatura e dështimit dhe e propagandës së qeverisë.
“Ka dy muaj. As vlerësim të dëmeve, dhe as faturën e dëmeve. Kemi vetëm llafe dhe vetëm propagandë. Jam shumë i shqetësuar, sepse kjo po fillon të futet në dismensionin e tretë të krizës. E para shëndeti i të sëmurëve, të moshuarve dhe të fëmijëve, e dyta gjendja e biznesi për të cilën dua të njihem realisht se çfarë po ndodh dhe impaktin që ka në ekonominë e Durrësit dhe e treta, ndërkohë që fillon viti buxhetor, lëvrohen 150 milionë dollarë për oligarkët, ndërsa për njerëzit presin konferencën e donatorëve për të dhënë bonuset e qirasë dhe për të dëmshpërblyer shtëpitë”, tha Basha.
