Sot kreu i opozitës Lulzim Basha, ka pritur në zyrën e tij në Tiranë Kryetarin e Vetëvendosjes z. Albin Kurti.
Basha vlerësoi Kurtin për qëndrimin ndaj kauzës së drejtë të studentëve e pedagogëve dhe protestës së tyre.
Ata ndanë të njëjtin mendim mbi rëndësinë që ka dialogu mes Kosovës dhe Serbisë, domosdoshmërinë e moscenimit të integritetit territorial dhe shtetëror të Republikës së Kosovës dhe unitetin politik me të cilin Kosova duhet të përfaqësohet në këtë dialog.
Kreu i opozitës shqiptare dhe lideri i Vetëvendosjes shprehën vendosmërinë për t’u qëndruar vlerave dhe standardeve perëndimore, si e vetmja garanci në mbrojtje të interesit më të mirë të Shqipërisë dhe Kosovës.
