Partia Demokratike ka caktuar datën 8 korrik për të mbajtur protestën e radhës kundër Qeverisë.
Kjo do të jetë protesta e parë pas zgjedhjeve të 30 qershorit. Mëngjeisn e sotëm kreu i Partisë Demokratike thirri këtë mëngjes në mbledhje kryesinë e partisë si dhe grupin parlamentar të përbërë nga deputetët që dhanë dorëheqjen nga mandatet e tyre.
Basha ka thënë:
“Jemi në prag të finalizimit të aksionit tonë. Do të vijojmë të mbajmë komunikim me qytetarët dhe ndërkombëtarët. Shqiptarët e refuzuan Ramën. Nuk do të ketë pushime për ne, por as për kundërshtarin.”
Pak para mesdite, Partia Demokratike do të zhvillojë edhe një mbledhje urgjente të Këshillit Kombëtar për të diskutuar hapat e mëtejshëm të aksionit opozitar.
