Pak minuta më parë kreu i PD-së Lulzim Basha doli në një deklaratë për mediat ku komentoi vendimin e Këshillit Europian, vendosi të anulonte misionin e tij vëzhgues për zgjedhjet e 30 qershorit “për shkak të pasigurisë lidhur me organizimin e tyre dhe rrezikut të mundshëm të vendosjes në zona të ndryshme”.
Përmes një e-maili dërguar zyrës së Këshillit të Europës në Tiranë, ata konfirmojnë mos praninë e tyre në Shqipëri për zgjedhjet vendore
Kreu i PD-së tha se edhe bota perëndimore e ka dhënë sinjalin e saj të parë që është i qartë dhe i prerë. Kjo pasi 30 qershori nuk është datë zgjedhjesh në Shqipëri.
Menjëherë pas reagimit të Bashës, ai që ka reaguar është kryeministri Edi Rama. Në rrjetin social Twitter, kryeministri e “godet” me anë të ironisë Lulzim Bashën.
“Sajo Artist sajo, çdo ditë një sajesë, s’zhgënjen asnjë ditë o Njish. Po si mund t’u thuash shqiptarëve Këshilli i Europës mori vendim politik për t’u tërhequr nga zgjedhjet se janë të paligjshme? Tani mezi pres çfarë do thuash kur të dalë rrena në shesh. Apo rrena tjetër gati?”, mbyllet postimi i Ramës.
