Gjashtë inxhinierë të Institutit të Ndërtimit nxjerrin zbuluar gënjeshtrën e Bashës për dëmtime nga tërmeti në pallatin e tij.
Pas ekspertizës, raporti teknik konstaton se pallati në Tiranë, ku banon Lulzim Basha, nuk ka pësuar asnjë dëmtim nga tërmeti, përjashtuar disa prishje elementare të bojës.
E gjithë struktura e pallatit i është nënshtruar ekspertizës nga grupi me inxhinier Agron Hysenlliu, Lindita Gjergji, Afrim Çenga, Gerti Çela, Besjana Memoçi dhe Joana Kaçorri, por edhe disa specialistë të drejtorisë së Emergjencave Civile.
Mashtrimi
Pretendimin për dëmtimin e pallatit të Bashës e nxori ky i fundit, me qëllim për të justifikuar zhvendosjen në vilën luksoze në kompleksin “Long Hill”, në periferi të Tiranës, në Lundër.
Duke reaguar ndaj mediave, zyra e shtypit në PD u përgjigj se: “Pas disa dëmeve të shkaktuara nga tërmeti, banesa e zotit Basha do të duhet t’i nënshtrohet disa punimeve të domosdoshme.
Për këtë arsye zoti Basha dhe familja e tij janë zhvendosur përkohësisht në një banese me qira”.
Si shumica e politikanëve tanë, që besojnë se çudia më e madhe tri ditë zgjat, Basha, i pyetur për vilën luksoze, do të shprehej para një viti se “Nuk ka gënjeshtër që mund të më heqë nga detyra ime.
Gënjeshtrat kundër meje dhe familjes time, janë një përpjekje cinike e Edi Ramës. Për të hequr vëmendjen nga lista e gjatë e dështimeve dhe e skandaleve të tij.
Prandaj, nuk bëhem pjesë e kësaj loje. Por siç e shikoni, jam në një tur takimesh me rininë, me qytetarët për të diskutuar të vërtetën e hidhur, jo gënjeshtrat e qeverisë. Dhe mbi të gjitha, për të diskutuar rrugët e daljes, zgjidhjes nga kjo krizë”.
Më tej, Basha do të përdorte edhe zyrën e shtypit të partisë.
“Në disa media është shpërndarë një dezinformim i qëllimshëm lidhur me banesën e kryetarit të PD Lulzim Basha. Pas disa dëmeve të shkaktuara nga tërmeti, banesa e zotit Basha do të duhet t’i nënshtrohet disa punimeve të domosdoshme.
Për këtë arsye zoti Basha dhe familja e tij janë zhvendosur përkohësisht në një banese me qira, që nuk ka asnjë lidhje me fotot e rreme të shpërndara nga disa portale te kontrolluara nga qeveria.
Banesa me qira e familjes se zotit Basha jo vetëm nuk ka pishinë, por është më e vogël sesa banesa e tij në rindërtim. Gjithçka tjetër është trillim i sponsorizuar nga qeveria”, njofton PD, që e quan vilën një banesë me qira.
Basha i dha leje vetes për shtesë kati
Dihet publikisht që Basha ka ndërtuar pa leje kate shtesë në pallatin e tij, pranë Stadiumit Kombëtar në Njësinë Administrative nr. 2. As ditën e tërmetit e as më vonë nuk është deklaruar asnjë dëm në këtë pallat.
Lulzim Basha ka deklaruar se nuk e ka përdorur kurrë lejen për ndërtimin e katit të 13-të që ka firmosur vetë kur ishte kryetar i Bashkisë së Tiranës dhe se ajo leje ka skaduar. Në fakt, ka ndodhur krejt të kundërta. Banes e tij është me dy kate.
Në këtë pallat ai zotëron katin e 12 dhe të 13. Në ikje e sipër, ish-kryebashkiaku i Tiranës, Lulzim Basha do t’i jepte vetes një leje për ndërtimin e një kati shtesë në pallatin 12 katësh ekzistues, në të cilin ai jetonte prej disa vitesh, në rrugën “Dervish Hima” në kryeqytet, në zonën e njohur si kullat e stadiumit “Qemal Stafa”.
Leja datonte në vitin 2014, ndërsa firma e përzgjedhur për ndërtimin e këtij objekti ishte “Archimed International sh.p.k”. Apartamenti përmban oxhak, hapësira të veçanta për gatim dhe për ngrënie, dhomat e veçanta për fëmijët.
Ajo leje është në kundërshtim me kushtet urbanistike, sepse zaptohet një hapësirë publike dhe si rrezikohet jeta e banorëve të pallatit.
Vila në kompleksin luksoz
Kur ka kaluar një vit dhe “riparimi” i pallatit të Bashës nuk ka filluar. Për më tepër, Administratori i Nj. 2 as nuk ka marrë aplikim për punime meremetimesh nga tërmeti e kësisoj, as nuk ka dhënë një leje tëpanevojshme e të pakërkuar nga Familja Basha.
Aktualisht Lulzim Basha jeton në një vilë 2-katëshe në kompleksin luksoz “Long Hill” në Lundër, ku vilat dykatëshe kanë parkim, oborr dhe pishina. Kujtojmë se zona ku po jeton tani Basha, është cilësuar vetë nga kreu i PD-së si zona e oligarkëve të kryeministrit Rama.
Referuar agjencive imobiliare, një vilë në këtë zonë jepet me qira për të paktën 2400 euro në muaj, ndërsa për të blerë një të tillë kushton rreth 400 mijë euro. Rezidentë në këtë zonë janë biznesmenë dhe diplomatë.
Me ardhjen e tij në këtë zonë janë rritur masat e sigurisë. Ky kompleks luksoz është ndërtuar nga biznesmeni Agron Papuli, i cili është akuzuar nga PD-ja si oligark pranë PS-së.
/GazetaReforma.com/
