Ditën e sotme, po zhvillohet seanca plenare, ndërkohë që nuk ka munguar një batutë e Berishës kundrejt Bashës.
Gjatë kohës kur Berisha jepte një prononcim për mediat, pak metra më tej, kalonte kryetari i PD-së, Lulzim Basha.
Ndërkohë që Sali Berisha mbante një fjalim për gazetarët, kreu i PD-së Lulzim Basha ka zbritur vetëm pak metra pas tij për të hyrë në seancën e Kuvendit. “Armiku më i rrezikshëm është ai që të rri pas shpine.”, tha Berisha, ndërsa gazetarët qeshën njëzëri, bashkë edhe me ish-kryetarin e PD-së.
Kujtojmë që që pas përjashtimit të ish-kryeministrit Berisha nga Partia Demokratike, situata në opozitë ka qenë shumë e tensionuar.
Grupi mbështetës i ish-kryeministrit Sali Berisha në datën 5 janar shkoi në selinë e PD pasi ishte afati i fundit që i lanë kryedemokratit Lulzim Basha të lirojë zyrën.
Duke qenë se në katin e parë të selisë së PD-së, thuhet se po kryheshin punime, të gjitha dyert janë të mbyllura dhe anëtarët e Komisionit të Rithemelimit e kanë pasur të pamundur që të futen në ambientet e brendshme të partisë. Para PD ishin Flamur Noka, Edmond Spaho, Luan Baci, Tritan Shehu, të cilët pasi nuk mund të hynin në seli, hodhën akuza kundër kreut të PD, për të cilin tha se e ka kthyer selinë në një burg të sigurisë së lartë.
