Kryetari i Partisë Demokratike ka thënë se fajtor për ngjarjen e rëndë në Elbasan është Edi Rama dhe Ardi Vleiu si drejtor I Policisë së Shtetit.
“Pa diskutim që po. Kemi përgjegjegjësi ndaj shqiptarave. Për ngjarjen e Elbasanit nuk kam përgjegjësi. Atë e ka Edi Rama, dhe ai që ka vendosur në krye të policisë“, tha Basha i ftuar në emisionin “Open“.
Më tej ai ka bërë më dije se autori i vrasjes së Pjerin Xhuvanit, Arbër Paplekaj nuk është larguar nga policia, por është rekrutuar nga një prej misioneve më speciale të RENEA-s. Edhe njëherë tjetër, ai ka kërkuar që drejtësia të bëjë punën e saj.
“Nuk është larguar, është rekrutuar nga një prej misioneve më speciale të RENEA-s. Unë ju thashë lëreni drejtësinë të bëjë punën e saj. E rëndësishme është të kuptoni që të bashkohemi që me 25 prill, detektivit, policia dhe prokuroria dhe policia të bëjnë punën e vet.
Dështimet e Ramës kanë mbyllur për 8 vite rrugën e Shqipërisë. Kryeministrin e ka kapur paniku se e di që ditën e diel do të humbë. Të dielën do të kemi pjesëmarrjen më masive në kutitë e votimit. Në këto zgjedhje do të vendoset nëse Shqipëria do të ndryshojë apo nëse Shqipërisë do t’i hapen negociatat apo do vazhdojnë t’i çahen zemrat nënave për të rinjtë që kanë iku“, u shpreh kryedemokrati.
