Kryedemorkati Lulzim Basha e ka zhvendosur fushatën elektorale “online”. Paraditën e sotme, Basha i renditi Ramës dështimin e rradhës përmes një “Instastrory”.
Kreu i opozitës i kujtoi kryeminsitrit premtimin e dhënë për uljen e taskës në faturën e enrgjisë elektrike. Sipas Bashës ky premtim nuk është mbajtur. Duke marrë në refrencë të dhënat e publikuara nga Eurostat, kreu i PD thotë se Shqipëria ka çmimet më të larta në rajon sa i përket energjisë.
“62 ditë deri më 25 prill, 100 dështimet e Edi Ramës në 8 vite. Rama premtoi uljen e taksës për faturën e energjisë për familjet. A e ka mbajtur këtë premtim? Përgjigja jo. Jo vetëm për bizneset, Shqipëria ka çmimet më të larta në rajon për energjinë e familjarëve, sipas Eurostat”.
Gjatë ditës së sotme Basha faktoi dhe një dështim tjetër të qeverisë Rama. Serish në intagram, Basha solli në vëmendje premtimet e Ramës mbi arsimin në vend. Ai theksoi se Rama premtoi arsimin falas për të gjithë por diçka e till nuk u bë kurrë realitet, madje sipas Bashës vetë Rama e ka pranuar se “nuk ka arsim falas për të gjithë”.
“Rama kishte premtuar arsim të lartë falas. Ai vetë deklaroi më vonë se arsim të lartë falas për të gjithë në Shqipëri nuk ka”, shprehet Basha.
