Kreu demokrat, Lulzim Basha, prej javësh tashmë, një pjesë të fushatës elektorale e ka zhvendosur në rrjetin social “Instagram”. Mëngjesin e sotëm, lideri opozitar në story-n e Instagram rendit një dështim tjetër të kryeministrit Edi Rama.
Në kuadër të fushatës “100 dështimet e Ramës”, kreu opozitar, Lulzim Basha, shkruan se pabarazia dhe varfëria janë rritur në 5 vitet e fundit, ndërsa publikon gjetjet e Forumit Ekonomik Botëror.
“A është ulur pabarazia dhe varfëria në Shqipëri në vitet e fundit? Përgjigja është jo! Pabarazia fhe varfëria janë rritur në pesë vitet e fundit.”, thuhet në videon e Bashës.
Kujtojmë se vetëm 35 ditë larg zgjedhjeve elektorale të 25 Prillit, të gjitha partitë politike në vend kanë nisur fushatën, ku secili jep zgjidhjet e veta për situatën ekonomike në vend.
Basha ka zhvilluar një numër të madh takimesh në çdo qytet të Shqipërisë, ku është njohur me problemet e qytetarëve dhe ka shpalosur programin e tij ekonomik.
Kujtojmë se në disa qytete si Shkodër, Kavajë e së fundmi në Gjirokastër, takimet janë shndërruar në mitingje elektorale.
Takime dhe grumbullume të tilla në kohë pandemie janë të ndaluara me ligj, pasi nuk lejohen me shumë se 10 persona dhe të gjithë duhet të kenë maskën mbrojtëse, detaj i cili ka munguar në takimet e Lulzim Bashës.
