Protesta e fundit e opozitës është përfolur shumë, sidomos për faktin se mungonte kreu i Partisë Demokratike, Lulzim Basha. Mirëpo Basha ka munguar me arsye të fortë pasi ka qenë në Berlin, pikërisht për të folur për situatën në të cilën vendi është duke kaluar.
Nga emisioni “Të pakspozuarit”, Basha ka thëën se ka pasur mundësinë që të ketë një takim të afërt me përfaqësuesit e Bundestagut, ku në fokus ka qenë kriza në Shqipëri. Mirëpo sipas Bashës këto kanë qenë takime të suksesshme dhe sipas tij, përkushtimi është i përbashkët për daljen nga situata në të cilën ndodhemi.
“Isha në Berlin me ftesë të partisë si motër CDU/CSU për një vizitë të ngjeshur me përfaqësuesit më të lartë të Bundestagut, në përpjekje për t’i dhënë Shqipërisë, bashkë me daljen nga kjo krizë, edhe themelet e demokracisë. Kam pasur takime dje e sot me këshilltarin e Merkel për punë të jashtme dhe siguri dhe zv. sekretarin e çështjeve të jashtme dhe zv. sekretarin e çështjeve europiane. Kam pasur takime në ministrinë e jashtme gjermane në fokus të të cilave ka qenë kriza në Shqipëri. Takimet ishin shumë të suksesshme. Përkushtimi është i përbashkët për daljen nga kriza.
Ata e kanë të qartë se nën sundimin e Edi Ramës, Shqipëria është kthyer në Kolumbi. Kur nuk ka institucione demokratike dhe zgjedhje të lira (dosja 339), ku nuk ka gjykatë kushtetuese, dhe as media, pavarësisht përpjekjeve të disa gazetarëve, është e qartë që Shqipëria nuk ka bërë hapa para, ka bërë hapa pas. Pa kriteret e Kopenhagenit nuk mund të jesh anëtar as i KE jo më anëtar i NATO-s e BE. Edi Rama në Perëndim konsiderohet njëri i rënë politikisht, i kanë vënë kryqin.
Kam patur mundësinë të ndaj në Berlin platformën e PD, për t’i dhënë Shqipërisë një trasformim të thëllë. Parlamenti të jetë parlament dhe jo nevojtore e politikës”, shprehet Basha.
