Lideri i Partisë Demokratike ka zhvilluar një takim të rëndësishëm me studentët e Universitetit Politeknik ku edhe ka folur rreth atyre që do bëjë për ta në rast se zgjidhet në krye të shtetit.
Basha ka bërë disa “premtime elektrorale” të rëndësishme, të cilat përkojnë 1 për 1 me kërkesat që studentët i kanë parashtruar qeverisë dhe Ministrisë së Arsimit.
Në fjalën e tij, kryedemokrati ka thëën se kur të marrë drejtimin e vendit gjëja e parë që do të bëjë do jetë anulimi i kontratave me dy oligarkë dhe me të ardhurat e mbledhura do investohet në projekte universitare.
Gjithashtu një pjesë e rëndësishme kjo për të gjithë studentët ka qenë edhe premtimi i radhës, se do të bëjë edhe një lidhje mes universiteteve dhe tregut të punës, gjë kjo e cila ndihmon drejtpërdrejt nxënësin, studentin dhe universitetin për të marrë vendimet e duhura.
Tjetër premtim ishte dhe anulimi i Ligjit të Arsimit të Lartë dhe ndërtimin e një të riu, i cili do të jetë transparent për të gjithë.
“Qeveria e ardhshme nuk do të jetë si kjo, që jep kontrata dhe koncesione për oligarkët. Unë isha në Gjermani dhe pashë atje një shembull sesi veprohet me universitetet. Iu premtoj se do të anulojmë kontratat me 2 oligarkë dhe paratë do të kthehen për projekte universitare.
Programi që ju parashtrova nuk do të funksionojë nëse vendimet do ti marrë prapë kryeministri dhe ministri i arsimit. Demokratizimi i vendimarrjes, moderrnizimi i universiteteve, sipas modelit europian do të jetë tipari i ligjit të ri për arsimin e lartë, për të cilin kemi ngritur një grup pune me ekspertët më të mirë dhe do ti bëjmë një ftesë publike shumë shpejt pedagogëve dhe ekspertëve më të mirë shqiptarë, studentëve, që të bëhen pjesë e këtij grupi pune.
Jo thjeshtë ta anullojmë këtë ligj ditën e parë në qeveri, siç ju kam premtuar dhe dua të jua premtoj sot këtu. Por të kemi gati në mënyrë të plotë të konsultuar, transparente, ligjin e ri për Arsimin e Lartë të standarteve europiane”-tha Basha.
Megjithatë këto janë premtime të cilat edhe mund të harrohen një ditë, ashtu siç edhe ka ndodhur deri më sot, megjithatë gjithçka mbetet për t’u parë në zgjedhjet e ardhshme parlamentare.
