Pas debatit të fortë mes kryeministrit Edi Rama dhe ish-kryeministrit Sali Berisha, ka reaguar edhe kreu i opozitës, Lulzmi Basha.
Basha tha se Rama erdhi në Kuvend në gjendje të rënduar psikike dhe refuzon të bëjë kontrollin për drogë dhe testin mendor.
“Shfaqja e shëmtuar e një njeriu të droguar ka vetëm një shpjegim. Ai nuk donte të vinte në Kuvend, por më pas erdhi në gjendje të rënduar psikike. Kemi një njeri që refuzon të bëjë kontrollin e drogës dhe testin mendor. Ai e ka quajtur “Zërin e Amerikës” kazan. Mbrëmë “VOA” publikoi një hetim të thelluar të një rrjetit investigativ gazetarësh ku tregohet se si Rama në vitin 2017 e mori pushtetin me paratë e bandave dhe të drogës.
Dosja 339 tregon vetëm me aq sa është zbuluar se në 4 qarqe Edi Rama ka trafikuar në këtë Kuvend, jo deputetët, por kukulla të krimit. Denoncimi e parë për këtë çështje e kam bërë unë në këto foltore. Rama erdhi në gjendje të droguar në Kuvend”– tha Basha.
