Ditën e sotme kryetari i Partisë Demokratike, Lulzim Basha ka dalë sot në një konferencë për mediat, ku ka sqaruar situatën që ndodhi pasditen e sotme në selinë e demokratëve. Kreu i PD-së e ka cilësuar të paprecedentë hyrjen e Berishës dhe të përfaqësuesve të tij në selinë e PD.
Duke mos i kursyer akuzat ndaj Berishës, Basha e cilësoi atë një ihs-komunist, ndërsa e akuzoi se kishte marrë me vete në seli njerëz me precedentë penale.
“Kjo është një situatë jashtëzakonisht e vështirë. Përballë njerëzve me precedentë kriminale që solli Sali Berisha, duke na kujtuar 97, me zellin e pangordhur të një ish-komunisti. Me gjithën e mashtrimeve dhe gënjeshtrave dhe me shpresën e vdekur se mund të marrë peng PD. Apo t’i kthejë ata në një batalion non-grata të vetes dhe familjes ë tij non-grata nga SHBA. Ky ishte spektakël i shëmtuar i së kaluarës.”, tha Basha.
“Sot është dita për të dënuar aktet e një njeriu marrëzia e të cilit nuk ka fundit. Në këtë betejë me të, ne thyem standardin e vendosur me Doshin e Dakon. U mjaftova me pezullimin duke pritur gjyqin që s’dihet kur fillon e kur mbaron. Asnjë demokrat dhe as anëtarët që dje refuzuan thirrjen për bojkot ishin të pranishëm në syrin e kamerave, votuan dhe vendosën. Edhe në 18 dhjetor, nuk do t’i nënshtrohen asnjë presioni.”
Regjimi do të mposhtet joi me një non grata por me një parti në krahë të shqiptarëve dhe aleatëve të PD-së. Demokratët do të arrijnë ta çajnë perden e dëshpërimit.
