Kreu i grupit parlamentar të Partisë Demokratike, Gazment Bardhi është shprehur së fundmi për mënyrën se si po trajtohet rasti i Berishës nga organet ligjzbatuese në vend.
Për News24 ai është shprehur se vetëm Kuvendi është ai që po ndjek dy standarde në rastin e vendimit të ish-kryeministrit. Ai e ka krahasuar rastin e Berishës me atë të ish-ministrit të Brendshëm, Saimir Tahiri.
Deputeti demokrat thekson se SPAK i dërgoi kërkesë Kuvendit për të njëjtat masa sigurie, për Berishën nuk u ndoq një procedurë e tillë.
“Detyrim paraqitje dhe detyrimi për të mos dalë jashtë Shqipërisë, janë masa shtrënguese të heqjes së lirisë sipas interpretimit që vetë Kuvendi i Shqipërisë ka bërë në të shkuarën. Në tetor të vitit 2017, në rastin e deputetit Saimir Tahiri i ka konsideruar si masa shtrënguese të heqjes së lirisë. Nuk mund të zbatohet një standard i ndryshëm. Ai standard i Kuvendit është certifikuar në të gjitha shkallët e gjyqësorit. Detyra dhe përgjegjësia e Kuvendit është të analizojë nëse akuza e ngritur ndaj një deputeti është e bazuar apo politike dhe për këtë ligji ka vendosur të sillen provat.
Nëse veprimin e ke ligjor, do të duhet të respektosh ligjin. Masa e sigurimit për Sali Berishën është ekzekutuar pjesërisht. Pavarësisht se nuk e ka dorëzuar pasaportën, ai nuk mund të dalë jashtë vendit pasi njoftohen pikat kufitare”, tha Bardhi.
