Deputeti opozitar i Rithemelimit, Gazmend Bardhi, pas publikimit të dokumentave që sipas tij implikojnë vëllain e kryeministrit në çështjen e Xibrakës, ka reaguar sërish duke theksuar se prokurorët që kanë hetuar dosjen janë promovuar nga Rama në vitet më pas.
Bradhi shkruan se prokurorët e çështjes së Xibrakës që e kanë mbuluar rolin e Olsi Ramës kanë qenë Olsian Çela dhe Edvin Kondili.
“Prokurorët e dosjes së Xibrakës që kishin për detyrë të hetonin këtë personin 45-vjeçar, njëri me votë të Edi Ramës është bërë Prokuror i Përgjithshëm i Republikës së Shqipërisë dhe prokurori tjetër është mbështetur në një garë ku Rama hyri në luftë me Ambasadën e SHBA-së për ta bërë drejtor të SPAK.
E vërteta është që të gjithë përfaqësuesit që ndodheshin atje me votë të Edi Ramës, votuan për Edvin Kondilin”, tha Bardhi
