Kandidati për deputet në Qarkun e Elbasanit, Gazment Bardhi zhvilloi një takim me qytetarët e “Fushë Mbretit”, në qytetin e Elbasanit. Mesazhi që përcolli nga ky takim ishte se ndryshimi që vjen pas 25 prillit, është për ta, për familjet, për fëmijët e të rinjtë e zonës.
Në fjalën e tij Bardhi ka thënë se “Fushë Mbreti” është një nga lagjet më të mëdha të qytetit, por më të varfra të Elbasanit, si pasoj e neglizhencës së qeverisë në pushtet. Bardhi ka thënë se në këtë lagje mungojnë gjërat bazike për të jetuar si kanalizimet, rrugët dhe ujësjellësit. Ai gjithashtu ka akuzuar qeverinë se ka përdorur strategji, për ta pasur më të lehtë që ti nënshtrojë qytetarët dhe tu blejë atyre dinjitetin me 50 mijë lek para zgjedhjeve.
Elbasani do t’i kthehet normalitetit, rendit, qetësisë, kulturës, dijes dhe harmonisë, siç i ka hije.
“Elbasani ka 14 vite që qeveriset në njësitë lokale nga PS dhe se çfarë dinë të bëjnë ata sa herë që qeverisin, mjafton të vish këtu te ju e të shohësh. Zero punë, asnjë investim, asnjë bilanc. Nuk është vetëm këtu te ju gjendja e degraduar kështu siç ju e shihni çdo ditë, më besoni, çdo lagjie e Elbasanit është në të njëjtën gjendje. Unë kam arritur në konkuluzionin që e kanë pasur strategji. Edhe këtu te ju e kanë pasur strategji për 8 vite që t’iu varfërojnë sa më shumë, sepse mendojnë që duke ju varfëruar sa më shumë e kanë më të lehtë që t’iu nënshtruar. E kanë më të lehtë për të bërë këtë që kanë bërë në këto 8 vite. E kanë më të lehtë që me lekët që kanë vjedhur për katë vite, të vijnë një ditë apo dy ditë përpara zgjedhjeve e të përpiqen të na blejen dinjitetin, të na gënjejnë me një thes mjell, të na gënjejnë me një 50 mijë leksh që pa kaluar muaji na e marrin mbrapsht nga fatura e energjisë elektrike, që e kanë rritur dyfish. Unë e kam ndjerë kudo që gjithësecili nga ju e ka marrë vendimin, kam pasur dëshminë edhe të njerëzve që me kanë thënë se në 2017-ën e kanë shitur votën, por nuk ndodh më kurrë që ta shesin sërish votën. Të jeni të sigurtë që nuk e kanë shumë të gjatë, i kanë ndrruar këtë javë, pasi ne i kemi denoncuar, edhe pjesa tjetër janë identifikuar dhe do shkojnë aty ku e ka vendin cilido që shkel ligjin.
Ju, nga i pari te i fundit do të duhet të qendroni vetëm me kokën lart. Nuk ka bandit që do ju vërë juve në rresht, jeni ju që do t’i vendosni ata në rresht, bashkë me ne. Cilido që ju ka dhunuar apo shantazhuar gjatë kësaj kohe, duhet të dijë që pas 6 ditësh pushtetin nuk e kanë më ata, por e keni ju nga i pari te i fundit. Ata duhet të kenë frikë nga ju, jo ju nga ata dhe do të shikoni që ata realisht do të kënë frikë nga secili prej jush. Prandaj në këto ditë do të duhet së pari të ndërgjegjësojmë cilindo në lagjie, mik a shok që ky është një moment historik jo vetëm për Shqipërinë, por edhe për familjet tona sepse në 25 prill nuk votohet thjesht për PD dhe për ndryshimin, por votohet për familjet tona dhe për fëmijet tuaj, për mirëqënien tuaj dhe për mundësinë për më shumë punësim. Ajo që ka munguar në këtë 8 vite është një qeveri që të jetë krah njerëzve.Në 25 prill ka dy alternative, që çdo shqipëtar, çdo qytetar i Elbasanit do të duhet të mendojë. Alternativa e parë është: jemi mirë kështu siç jemi, rrimë kështu dhe katër vite të tjera, këtë alternativë e ofron Edi Rama.
Alternativa jonë është që nuk jemi mirë kështu siç jemi, prandaj shqiparët duhet të votojnë për ta ndryshuar gjendjen. Me 25 prill votohet vetëm për një mumër, që është numri që na jep të gjithëve shpresë që mund të jetojmë dhe mund të vazhdojmë të jetojmë në Shqipëri, që kemi më shumë mundësi për punësim, që familjet tonë të kthehen në normalitet, të kemi më shumë mirëqenie, të mos kemi frikë nga banditët, por banditët të kenë frikë nga ju dhe nga ligji, dhe ta kthejmë Elbasanin aty ku ka qënë gjithmonë në historinë e Shqipërisë, si qytetin e dijes, kulturës, paqes dhe harmonisë. Të jeni të sigurtë që kështu siç jemi sot këtu, do jemi këtu edhe pas 25 prillit dhe të jeni të sigurtë që ne, ato angazhime që kemi marrë përsipër gjatë fushatës zgjedhore do t’i vëmë në jetë, për faktin e thjeshtë, që ju vetë na keni thënë se atë qe vjen pas 25 prillit e shikoni si shpresën e fundit për Shqipërinë dhe për shqiptarët”, deklaroi Gazment Bardhi.
